З.Г. „Ромаверзитас“ со настан во Собранието на Република Македонија по повод 8 Април – Меѓународен ден на Ромите
- Детали
- Објавено: Среда, 04 Април 2018 11:39
- Посети: 3431
Здружението на граѓани „Ромаверзитас“ во среда (4 април 2018) го одржа настанот „Ромите во Република Македонија“ по повод 8 Април – Меѓународен ден на Ромите . Настанот се одржа во Собранието на Република Македонија (сала Борис Трајковски), со почеток од 10:00ч. Говорници на настанот беа: г. Горан Мисовски, потпретседател на Собранието на Република Македонија, г. Самка Ибраимовски и г. Амди Бајрам, пратеници во Собранието на Република Македонија, г.Џеват Адеми, член на Комитетот за односи меѓу заедниците и г.Силхан Саитов, проектен менаџер на ЗГ „Ромаверзитас“.
Ромаверзитас на средби со матурантите Роми
- Детали
- Објавено: Понеделник, 02 Април 2018 11:46
- Посети: 9966
Информативни средби со матурантите Роми од средните училишта во Македонија одржуваат претставниците на здружението на граѓани „Ромаверзитас“. Целта на средбите е остварување комуникација со матурантите Роми за нивно понатамошно професионално ориентирање и кариерно планирање, како и за интегрирање во високото образование.
Овие средби се организираат во скопските средни училишта „Арсени Јовков“, „Д-р Панче Караѓозов“, „Васил Антевски – Дрен“, „Здравко Цветковски“, „Шаип Јусуф“, „Јосип Броз – Тито“, „Никола Карев“, „Орце Николов“, „Браќа Миладиновци“, „Марија Кири – Склодовска“, „Владо Тасевски“, „Боро Петрушевски“ и „Кочо Рацин“.
Студентите се стекнаа со техники за ефективно и ефикасно учење
- Детали
- Објавено: Понеделник, 26 Февруари 2018 11:57
- Посети: 12153
Деветнаесет студенти беа дел од еднодневната работилница „Техники за ефективно и ефикасно учење“. Студентите учеа за психолошкиот однос кон учењето, за стресот и стравот од неуспех, како и за тоа што е учење, фактори за учење, знаење, како се создава и кои видови знаење постојат, меморија, но и заборавање. Учеа за методите на памтење и мнемонички технички на памтење, стилови и насоки за учење. Освен теоретскиот дел, тие имаа натпревар за применa на мнемонички техники и разни вежби поврзани со знаењето и креативноста.
Кои фактори ги мотивираат младите Роми да продолжат со своето образование?
- Детали
- Објавено: Понеделник, 02 Април 2018 11:44
- Посети: 10729
Главни мотивациски фактори за продолжување на образованието кај Ромите се желбата за подобар животен стандард и подобра работна позиција, желбата и љубовта за успешен професионален и академски развој и волјата за вложување во ромската заедница. Ова го покажа спроведената анкета насловена како „Што те мотивира да продолжиш да се образуваш“.
За да се реализираат овие предуслови, велат испитаниците во анкетата, важни се семејната поддршка, инспирацијата од успешните Роми и финансиските можности овозможени од фондовите за ромската заедница.
Во анкетата, од контактирани 80 Роми од прв и втор циклус на студии, одговорија 50 студенти. Според нив, со стекнување поголема титула се менува веќе познатата слика за Ромите, сé има поголемо влијание врз вклученоста и унапредување на општеството и општествените процеси.
Се одржа првата работилница за истражувачка работа
- Детали
- Објавено: Понеделник, 19 Февруари 2018 11:59
- Посети: 12033
Кои се истражувачките фази и како се изработува нацрт истражување, како се формулира проблем, што се научни а што ненаучни методи, како се селектира примерок за истражување и теми поврзани со етиката во истражувањето, беа дел од темите кои се обработија на работилницата „Основи на истражувачка работа – акциски истражувања“.
На работилницата учествуваа 14 студенти и Ромаверзитас алумнисти, како дел од модуот „Техники на истражување“. Работилницата се одржи на 10 февруари 2018 година, од страна на професор д-р Николина Кениг од Институтот за психологија при Филозофскиот факултет во Скопје.
