Стартува кампања „Бојкотирам попис без етничка припадност“
- Детали
- Објавено: Сабота, 01 Декември 2018 10:19
- Посети: 1664
Група граѓани Роми не се согласуваат со најавата дека на наредниот попис нема да можат да ја изразат својата етничка и верска припадност. Поради ова, тие организираат кампања насловена како „Бојкотирам попис без етничка припадност“. Целта на оваа кампања, велат тие, е да ги информираат граѓаните дека постои можност да се спроведе попишување според мајчиниот јазик и јазикот кој се говори во рамките на домаќинството.
Се одржа Рома фест
- Детали
- Објавено: Сабота, 24 Ноември 2018 09:00
- Посети: 1310
Дваесет и пет музички имиња беа дел од овогодинешниот концерт на ромска традиционална музика Рома фест, кој минатата недела се одржа во Македонската опера и балет. Познатиот Хусеин Еминовиќ и диригентот Иван Еминовиќ ја потсетија публиката на звукот на традиционалните песни на ромската заедница во Македонија. Како дел од репертоарот беа испеани познатите нумери „Šutko“, „Kemano bašal e Romange“, песната „Androvera“, „Phirav mange korkoro“ и многу други стари ромски песни од познати интерпретатори.
Владата го одбележа Светскиот ден на ромскиот јазик
- Детали
- Објавено: Петок, 09 Ноември 2018 21:07
- Посети: 1212
Светскиот ден на Ромскиот јазик, свечено, беше одбележан и од Владата на Република Македонија.
Во своето поздравно обраќање, премиерот на Република Македонија, Зоран Заев го честиташе празникот со следниве зборови „Нека ни е честит празникот. Велам нека ни е честит, а не нека Ви е честит, затоа што причината за славењето на вашата посебност е причина за славење за сите нас“, подвлече Заев.
Според него, концептот на општество еднакво за сите е принцип со кој Владата на Република Македонија се води во своето работење. Својот говор премиерот го затвори со ромските зборови „Oven saste!“.
„Лекцијата Шутка“ во организација на EРИАК
- Детали
- Објавено: Четврток, 15 Ноември 2018 14:26
- Посети: 1396
Европскиот Ромски институт за уметност и култура (ЕРИАК), на 13 ноември 2018 година во Музејот на македонската борба, организираше културен настан насловен како „Лекцијата Шутка“. На промоцијата на ЕРИАК во Македонија говореа Тимеа Јунгхаус, директорка на ЕРИАК, Катрин Фрухинсфелд, раководителка на одделението за култура и образование на Германската амбасада во Скопје и Курто Дудуш, градоначалник на општина Шуто Оризари.
„Нема социјална инклузија без културна инклузија“, изјави Јунгхаус, истакнувајќи дека и понатаму ромските дискурси остануваат фокусирани на домување, здравство, образование и вработување.
ROMACTED ги собра сите чинители за инклузија на Ромите
- Детали
- Објавено: Петок, 09 Ноември 2018 09:07
- Посети: 1413
Усогласување на работата за инклузија на Ромите и подобрување на синергиите, поттикнување координација меѓу засегнатите страни и воспоставување практика за организирање средби на шест месеци или по потребата беа главните цели на координативниот состанок во рамки на програмата ROMACTED. Состанокот, кој се одржа на 25 октомври 2018 во просториите на Министерството за труд и социјална политика во Скопје, ги собра претставниците на меѓународните организации, ромските невладини организации и релевантните министерства за споделување на информации/активности поврзани со проекти и предизвици со кои се соочуваат во текот на процесот на имплементација.
