Менторство за 15 додипломци
- Детали
- Објавено: 28 Декември 2018
- Посети: 1726
Универзитетски кадри, во текот на наредните пет месеци, ќе менторираат 15 студенти од прва година на додипломски студии. Ова го овозможи здружението на граѓани Ромаверзитас, овозможувајќи им на студентите Роми да соработуваат и да бидат менторирани од ментор кој ќе ги подучува, насочува, советува, охрабрува, мотивира и поддржува во развојот на нивните знаења, вештини и способности за реализирање на личните, академските и кариерните цели.
Повик за студент претставник на корисниците на проектот на Ромаверзитас
- Детали
- Објавено: 28 Декември 2018
- Посети: 2342
Здружението на граѓани „РОМАВЕРЗИТАС” објавува повик за пријавување на студенти Роми за кандидат за претставник на студентите Роми - корисници на проектот „Ромаверзитас - со поддршка за развој кон лични и колективни еднакви пристапи и можности“.
Документите за пријавување треба да се достават по електронски пат на е-маил адресата Оваа е-адреса е заштитена од спамботови. Треба да ви е овозможено JavaScript за да ја видите., најдоцна до 18 јануари 2019 година.
Проектот е финансиски поддржан од Ромскиот образовен фонд (РЕФ), Будимпешта.
Повик за студент претставник на корисниците на проектот на Ромаверзитас
Ромаверзитас учествува во креирање Стратегија за млади Роми
- Детали
- Објавено: 26 Декември 2018
- Посети: 1785
Претставници на здружението на граѓани „Ромаверзитас“ учествуваат во креирање на стратегија за млади Роми, организирана од невладината организација „КХАМ“- Делчево, во соработка со министерот без ресор Аксел Ахмедовски и Агенцијата за млади и спорт.
Работилницата, која се организираше од 16 до 18 декември 2018 во хотел „Манастир“ Берово, е дел од проектот „Стратегија за младински политики за интеграција на млади Роми“. Како резултат од работилницата, произлезе првична драфт верзија на стратегијата, која ќе биде достапна за јавноста за коментари, сугестии и предлози, за нејзино финализирање.
Средба меѓу претставници на Ромаверзитас и Општина Шуто Оризари
- Детали
- Објавено: 22 Декември 2018
- Посети: 2013
Да се креира онлајн платформа за евалуација на постигнатиот успех кај учениците, да се воведе туторство во домашни услови, родителите да се вклучат во процесот на едукација беа дел од предлозите кои претставнците на Здружението на граѓани „Ромаверзитас“ ги предложи на градоначалникот на општина Шуто Оризари, Курто Дудуш.
Претставниците на Ромаверзитас ги презентираа мапираните проблеми во однос на осипување и враќање на децата повратници од странство.
На средбата во Општината, на која присуствуваа и советникот за образование, Рамиза Сакип и директорите на основните училишта „Браќа Рамиз и Хамид“ и “26 Јули“, Алвин Салимовски и Дритан Ганиу, воглавно, се разговараше како да се подобри опсегот на Роми во образовнието.
